Samgöngusáttmálinn, Borgarlína, Miklabrautargöng og veggjöld urðu eitt helsta átakamálið þegar oddvitar framboða í Reykjavík ræddu samgöngumál í kappræðum Heimildarinnar í Tjarnarbíói. Sáttmálinn var samþykktur árið 2019 og uppfærður árið 2024, en í umræðunum kom skýrt fram að flokkarnir eru ósammála bæði um hvort taka eigi hann upp að nýju og hvernig eigi að forgangsraða stærstu framkvæmdunum.

Gagnrýnir veggjöld af gömlum vegum

Hildur Björnsdóttir, oddviti Sjálfstæðisflokksins, sagði að sáttmálinn væri „risastór framkvæmdapakki, upp á rúma 300 milljarða“ og að ekki hefði verið „nægilega vel samið fyrir Reykjavík“. Hún sagði Sjálfstæðisflokkinn vilja breyta forgangsröðun, taka Miklubrautargöng „út úr pakkanum“ og setja þau í einkaframkvæmd með „hóflegri gjaldtöku“. 

Hildur sagðist jafnframt hafa áhyggjur af fjármögnun sáttmálans og gagnrýndi hugmyndir um veggjöld af umferð á eldri vegum. „Við styðjum ekki tolla af gömlum vegum eins og Ártúnsbrekkunni eða öðrum vegum sem …