Sjóherir Kína og Rússlands ætla að halda sameiginlega heræfingu síðar í þessum mánuði úti fyrir ströndum hafnarborgarinnar Qingdao í austur Kína. Kínverska varnarmálaráðuneytið greindi frá þessu í færslu á X í dag.
Að lokinni heræfingunni siglir hluti af sjóherum beggja landa áfram til eftirlits í Kyrrahafinu. Kínversk yfirvöld segja æfinguna árlega æfingu. Markmið æfingarinnar er að tryggja frið og stöðugleika í heimshlutanum.
