Níu búddamunkar létust þegar ellefu ára drengur ók pallbíl inn í pílagrímsgöngu í Mukdahan-héraði í norðausturhluta Taílands í morgun.
Samkvæmt upplýsingum frá lögreglu og staðbundnum yfirvöldum hafði drengurinn tekið bifreið foreldra sinna án leyfis og ekið henni um tíu kílómetra áður en hann missti stjórn á henni og ók inn í hópinn. Munkarnir voru þá nýlagðir af stað í 260 kílómetra trúargöngu til nágrannahéraðs.
Hryllilegt myndband náðist af atvikinu
Öryggismyndavélar á svæðinu náðu atvikinu, þar sem sjá má pallbílinn sveigja út af veginum og aka beint á munkana sem gengu í einfaldri röð við vegarbrúnina.
An 11-year-old boy drove a pickup truck into a group of Buddhist monks in Thailand’s Mukdahan province, killing at least eight people. https://t.co/SqFnzasfJc pic.twitter.com/IwaWwr2eWR
— Breaking911 (@Breaking911) July 2, 2026
Fimm létust á vettvangi en fjórir til viðbótar á sjúkrahúsi síðar um daginn. Að minnsta kosti þrettán aðrir slösuðust, þar af nokkrir alvarlega. Reuters greinir frá því að meira en tuttugu hafi þurft á aðhlynningu að halda eftir slysið.
Lögregla segir drenginn vera í áfalli og hefur hann ekki enn verið yfirheyrður. Barnaverndaryfirvöld koma að málinu og rannsókn stendur yfir.
Atvikið hefur vakið mikla sorg og reiði í Taílandi, þar sem búddamunkar njóta mikillar virðingar og trúargöngur eru algengur hluti af trúarlífinu. Þá hefur málið einnig vakið upp spurningar um ábyrgð foreldra og aðgengi barna að ökutækjum.
An 11-year-old boy crashed a pickup truck into a group of Buddhist monks on a pilgrimage walk in Thailand, killing five people at the scene. Three more later died at the hospital. pic.twitter.com/0IXVp32W9h
— Breaking911 (@Breaking911) July 2, 2026
