James Murray hefur verið skipaður heilbrigðisráðherra Bretlands eftir að Wes Streeting sagði af sér í dag.
Breskir miðlar segja stöðuna mikið skref fram á við fyrir Murray sem hefur frá í september gegnt embætti þess ráðherra sem stjórnar ríkisútgjöldum og vinnur undir fjármálaráðherranum.
Hann hefur verið einarður stuðningsmaður Keirs Starmer forsætisráðherra og hefur átt hægu en stöðugu gengi að fagna innan breskra stjórnmála. Hann er þó enn fremur lítt þekktur meðal bresks almennings ef marka má þarlenda miðla.
Miklar væringar eru innan Verkamannaflokksins, ekki síst eftir afhroð í sveitastjórnarkosningum. Talsverð uppstokkun hefur fylgt afsögn Streetings sem óskaði Murray velfarnaðar í færslu á X og lýsti fullum stuðningi við hann.
Aðra sögu er að segja af viðhorfi Streetings til Starmers, sem sagði af sér ráðherraembætti með þeim orðum að hann hefði misst trúna á forystu hans. Talið er að hann renni hýru auga til leiðtogasætis Verkamannaflokksins og forsætisráðherrastólsins.
