Jarðboranir í Krýsuvík: Mögulegar hættur óþekktar
Þorvaldur Þórðarson, prófessor í eldfjallafræði við Háskóla Íslands, segir að það sé ekki vitað hverjar afleiðingar rannsóknarborana í Krýsuvík verði. Til að hægt sé að meta það vanti frekari rannsóknir á jarðhitakerfinu. „Við þurfum að skilja það fyrst,“ segir hann.
Þorvaldur Þórðarson, prófessor í eldfjallafræði við Háskóla Íslands, telur mikilvægt að gera frekari rannsóknir við Svartsengi til að meta mögulegar hættur sem starfsemi á svæðinu getur haft í för með sér. Í maí hóf HS Orka annan áfanga rannsóknarborana á Krýsuvíkursvæðinu og eru tvær rannsóknarborholur norður af Bleikhól í nánd við Kleifarvatn áætlaðar. Framkvæmdir eru þegar hafnar. Í fyrrasumar var djúp rannsóknarhola boruð við Sveifluháls í nánd við ferðamannastaðinn Seltún.
HS Orka segir markmiðið með rannsóknarborholum á Krýsuvíkursvæðinu að athuga nýtingarmöguleika jarðvarmaauðlindarinnar til heitavatnsframleiðslu fyrir Hafnarfjörð, höfuðborgarsvæðið og raforkuframleiðslu inn á landsnetið. „Jarðvarmaver á svæðinu yrði þjóðhagslega mikilvægur orkuinnviður og liður í að auka afhendingaröryggi orku á þéttbýlasta svæði landsins.“
„Við höfum ekki gert rannsóknirnar“
Þorvaldur segir erfitt að segja til um hvort að jarðboranirnar geti haft áhrif á eldfjallakerfi …
