Helga Dögg Sverrisdóttir skrifar:

Árið 2022 gaf forlagið Ellekær út bókina „Hvernig íslam ryður sér leið inn í skólann – eru aðstæður í Frakklandi viðvörun fyrir Danmörku?“, eftir Jean-Pierre Obin. Hann var aðaleftirlitsmaður menntamálaráðuneytisins í tvo áratugi og einn af æðstu eftirlitsfulltrúum franska ríkisins.

Weekendavisen tók viðtal við Obin sama ár og Aske Munck skrifaði um það í blaðið. Greinin er á bak við greiðslumúr. 

Bókina er hægt að kaupa á nokkrum stöðum og fá að láni á bókasöfnum í Danmörku. Hvort bókin finnist hér á landi er ekk vitað eða hvort hún hafi verið þýdd yfir á íslensku.

Lýsing 

„Í bókinni Hvernig íslam ryður sér leið inn í skólann gerir Jean-Pierre Obin grein fyrir þeim vandamálum sem vaxandi íslamvæðing hins fjölmenna múslimska innflytjendahóps í Frakklandi skapar í frönskum skólum. Í Frakklandi voru ríki og kirkja aðskilin með lögum árið 1905 og litið er á skólann sem þá stofnun sem, fremur en nokkur önnur, á að móta æskuna í samræmi við gildi franska lýðveldisins um veraldlegt samfélag.

Hliðarsamfélagið

Múslimskir nemendur sem alast upp í hliðarsamfélögum, þar sem þeir verða fyrir áróðri íslamista, ögra í síauknum mæli meginreglunni um veraldleika skólans.

Þetta birtist meðal annars í andstöðu við hugmyndir upplýsingarinnar, mótstöðu gegn sameiginlegri kennslu drengja og stúlkna og með því að sýna trúarlegan uppruna sinn í gegnum klæðaburð. Hið síðastnefnda er bannað í frönskum skólum.

Obin lítur á afleiðingarnar sem blöndu af eftirgjöf gagnvart sérstökum trúarlegum kröfum, auknum átökum milli allra þeirra sem koma að skólakerfinu og útbreiddri og vaxandi tilhneigingu til aðgreiningar nemenda eftir hópum.

Hvernig er staðan í Danmörku? Við höfum aðra sýn á veraldleika í skólum, en einnig hér berast fréttir af aukningu árekstra þegar tjáningarfrelsi og hugmyndir upplýsingarinnar koma við sögu í kennslunni og þegar valdi kennara, og þá sérstaklega kvenkyns kennara, er ögrað.

Aðgreining í skólum er orðið áberandi og umdeilt umræðuefni í stjórnmálaumræðunni. Hverjar eru langtímaafleiðingar þess að fólki frá múslimska heiminum, sem hefur flust í stórum stíl inn í danskt samfélag, hefur ekki tekist að aðlagast samfélaginu? Spyrja má hver staðan er á Íslandi, vegna aukninar á múslímum sem velja að koma til Íslands.

Mun aðgreining festa rætur í skólunum og síðan í öðrum hlutum samfélagsins? Getum við lært af Frakklandi, þar sem stjórnmálamenn eru fyrst nú að byrja að skilja að ekki var brugðist við áskorunum fjöldainnflutningsins af nægilegri alvöru í tæka tíð?“

Spyrja má hver þróunin er hér á landi og hvernig íslenskt samfélag tekur á því, ekki síður stjórn- og skólayfirvöld. Munu Íslendingar læra af því sem hefur gerst í Frakklandi og víðar. Eða fara Íslendingar sína eigin leið, undir kjörorðinu ,,við vitum betur en hinir.”

Heimild: Facebook